Во септември, годинава, 220 првачиња ќе седнат

на училишните клупи во основните училишта од општина Гевгелија. Имено, по завршувањето на уписот на првачиња во учебната 2022/2023 година, во ООУ „Крсте Мисирков“- Гевгелија се запишани 93 првооделенци, од кои 90 во градот а 3 во Подрачното училиште во Моин, во ООУ „Владо Кантарџиев“- Гевгелија 90, од кои 77 во градот, а 13 во Подрачните училишта во Мрзенци и Богородица, 22 во ООУ „Ристо Шуклев“- Негорци“, од кои во матичното училиште 17, а 5 во Подрачните училишта во Прдејци и Кованец и 15 првачиња во ООУ „Климент Охридски“- Миравци, од кои во матичното училиште 11, а 4 во Подрачните училишта во Давидово и Милетково.
           Уписот започна од 1 мај и траеше до 31 мај, 2022 година, задолжителен за децата кои до крајот на декември 2022 година ќе наполнат 6 (шест) години, односно задолжителен за сите деца родени во текот на 2016 година и за оние кои сакаат, за деца родени во текот на јануари, 2017 година. согласно реонизацијата на училиштата и живеалиштето на децата. За разлика од минатата учебна година кога бројот на запишани првачиња изнесуваше 232, годинава бројот на запишани првачиња се намалил за 12 дечиња.