Локалното собрание на млади на Општина Гевгелија

го распиша Јавниот повик за избор на членови во Локален младински совет. Повикот трае 15 дена и е отворен од 24 јуни до 8 јули, 2022 година. Заинтересираните кандидати потребната документација можат да ја достават во Архивата на Општина Гевгелија со назнака: „За Јавен повик за избор на членови во Локален младински совет“ или на е-mail адресата: gevgelijao@t.mк .
 Јавниот повик за избор на членови во Локален младински совет е објавен на официјалната веб-страница на Општина Гевгелија.
             Согласно Законот за младинско учество и младински политики, Локалниот младински совет претставува тело на локалната самоуправа кое го сочинуваат млади претставници на различните форми на организирање во општината, кое има советодавна и застапувачка улога за прашањата од младински интерес кон локалната самоуправа. Вкупниот број на членови на ЛМС е различен во секоја општина – бројот на членови е непарен, не може да биде помалку од пет лица и да не надминува повеќе од една третина од членовите на Советот на Општината. Членовите на Локалниот младински совет, од своите редови бираат кој ќе биде претседател/ка и заменик-претседател/ка. Локалните младински совети се избираат од Локалните собранија на млади, а двегодишниот мандат на членовите се верифицира од страна на Советите на Општините.