Во Ликовната галерија „Амам“- Гевгелија,

на 22 март 2023 година, ќе бидат поставени делата на м-р Владимир Темков. Отворањето на изложбата е со почеток во 19:30 часот, а влезот е слободен. Настанот е во организација на ЈОУ Дом на култура „Македонија“- Гевгелија, а во соработка со НУ Музеј Гевгелија.
         Владимир Темков (Кавадарци, 1959) дипломирал на Факултетот за ликовна уметност во Скопје, каде што ги завршил и магистерските студии на отсекот Сликарство. Првата самостојна изложба ја имал во 1983 година, во Музеј галерија во родниот град Кавадарци, а досега имал 40-тина самостојни претставувања во Македонија, Бугарија и Хрватска.