Општина Гевгелија ги објави Конкурсите

за доделување 5 стипендии на жители на општина Гевгелија- студенти запишани на Медицинските факултети и 5 стипендии нажители на општина Гевгелија запишани на Машинските и електротехничките факултети во државата. Право на аплицирање имаат студентите кои се запишани во прва година на отсек Општа медицина на Медицинските факултети и Машинските и Електротехничките факултети во академската 2023/2024 година. Крајниот рок за поднесување на пријавите со потребната документација е 8 декември, 2023 година, до 16:00 часот, во Архивата на Општина Гевгелија или по пошта, адресирани до Општина Гевгелија: ул. „Димитар Влахов“ бр.4, 1480, Гевгелија, со назнаки: „За Конкурсот за доделување на 5 (пет) стипендии на студенти од општина Гевгелија, запишани на Медицинските факултети - отсек Општа медицина на РСМ, за академска 2023/2024 година и „За Конкурсот за доделување 5 (пет) стипендии на студенти од општина Гевгелија, запишани нa Машинските и Електротехнички факултети во РСМ, за академска 2023/2024 година“.
             Конкурсот е распишан од страна на Комисијата за образование, култура и спорт, по донесените Одлуки на Советот на Општина Гевгелија за доделување стипендии на студенти од општина Гевгелија, запишани на Медицинските факултети, Машинските и Електротехничките факултети во академската 2023/24 година, а на предлог на градоначалникот на општина Гевгелија, Андон Сарамандов. Висината на стипендијата ќе изнесува 6.000 месечно, за 10 месеци во академската година. Средствата ќе бидат обезбедни од Буџетот на Општина Гевгелија, потпишаниот договор за стипендирање.