Матурантот Александар Стефанов од Гевгелија

е прогласен за првенец на генерацијата во учебната 2018/2019 година во СОУ„Јосиф Јосифовски“. Овој ученик во IV година од гимназиска насока ја заврши минатата учебна година со одлични резултати, кои му го овозможија ова престижно признание. Од страна на градоначалникот на општина Гевгелија на Александар Стефанов му е доделена парична награда во износ од 10.000 денари.
За првенци на генерацијата во основното образование, на крајот од минатата учебна година, беа прогласени - во ООУ„Крсте Мисирков“ ученикот Лазар Ристов, во ООУ„Владо Кантарџиев“ Антониј Стојменов, во ООУ„Климент Охридски“ Николина Ристова, а во ООУ„Ристо Шуклев“ Христина Марковска. Сите тие го завршија деветгодишното основно образование. Во ООМУ„Васо Карајанов“ за првенец на генерацијата беше прогласена ученичката Љубица Улиш. На сите ученици-првенци на генерацијата градоначалникот на општина Гевгелија им додели парична награда од по 5.000 денари.