115 годишнината од смртта на илинденецот Сава Михајлов

вчера беше одбележана со пригодната свеченост. Градоначалникот на општина Гевгелија, Сашо Поцков,  заедно со претставници од Советот на Општина Гевгелија, како и делегации на борците од СЗБ од НОВ-Гевгелија, на политичките партии и здруженија на граѓани положија свежо цвеќе пред неговата биста во центарот на градот.

             - Сава Михајлов од почетокот на 1903 година е војвода во гевгелиско. Учествувал во Илинденското востание. Бил близок соработник на Гоце Делчев и учествувал во многу акции против отоманскиот поробувач.Тој претставува континуитет и неговото име во Гевгелија никогаш нема да згасне. Неговото име го носеше и Првиот партизански одред кој беше формиран во регионот, рече во своето обраќање Јани Ташковски од Здружението на борците.