Мобилните екипи формирани од Општина Гевгелија продолжуваат со акцијата

за пружење помош и достава на храна на социјално-загрозените лица кои ја користат од Народната кујна. 

            Мобилните екипи се на располагање и на старите лица- самци и стари изнемоштени лица, на кои им е потребна помош околу купување храна и лекови и плаќање сметки за домаќинство.

            Останатите ранливи категории кои користат гарантирана минимална помош, веќе добија средства за лична хигиена.

            Koн акцијата се приклучија и Хотел „Аполонија“ и Фондацијата „Аполонија“.

            Општина Гевгелија излегува во пресрет и корист на граѓаните грижејќи се за јавното здравје, се со цел да се превенира ширењето на Корона вирусот.