Продолжува акцијата за делење бесплатни маски во Гевгелија
Со почеток од 10 часот, на поставениот пункт пред супермаркетот „Кит-го“
продолжува акцијата на делење заштитни маски организирана од Општина Гевгелија во соработка со волонтерите од ЗГ „Чејнџмејкерс“.
Денес, исто така продолжува и вториот круг на делење заштитни маски во Негорци, во непосредна близина на НТ-Кист, кај Звонко Нанчев, во училницата по англиски јазик, од страна на наставникот Владо Ангеловски,со почеток од 10.30 часот.
- Во некои од населените места, првиот круг на делење заштитни маски е завршен, додека во некои се уште е во тек. За надополнување на количините, граѓаните во населените места ќе бидат известени во текот на неделата што следува, истакнуваат од ЗГ.
