Во Гевгелија, денес, по вторпат беше извршена дезинфекција

на сите влезови во колективните станбени објекти од страна на дежурните екипи на ЈПКД „Комуналец“. Исто така, извршена е и дезинфекција на влезовите во станбените згради кои се наоѓаат во одделни населени места. ЈПКД „Комуналец“ акцијата за дезинфекција ја спроведува согласно Оперативниот план за дезинфекција на улиците и јавните површини, но и дополнителните мерки донесени од Општинскиот кризен штаб.

            Од Jавното комунално претпријатие најавуваат дека во текот на утрешниот ден, во зависност од временските услови, ќе биде извршена дезинфекција на тротоарите и улиците во градот. Минатата сабота, по стапувањето во сила на мерката за ограничено движење на граѓаните по 16 часот, беше извршена дезинфекција на сите улици и тротоари во градот.