Советот на Општина Гевгелија

на својата 47 седница оцени дека безбедносната состојба во сообраќајот на патиштата која ја покрива подрачјето на ПС од општа надлежност-  Гевгелија, oд аспект на јавниот ред и мир во првата половина на 2020 е мирна и стабилна.

                Според доставениот Извештај од страна на ПС- Гевгелија, на станичното подрачје не биле регистрирани нарушувања на јавниот ред и мир од поголем обем или нарушувања кои можат да ја вознемират јавноста и да предизвикаат загриженост по личната безбедност на граѓаните и нивниот имот.  Како што е нагласено во Извештајот, како една од причините за ваквата констатација е прогласената вонредна состојба поради Корона вирусот, со што драстично се намали бројката на сообраќајни несреќи кои минатата година, во периодот после 15 мај, во текот на летната сезона транзитираа лица и возила преку РСМ и беа причина за случените сообраќајни несреќи.

                Официјалната статистика за периодот од 1 јануари до 31 јуни, 2020 година, покажува дека на територија на општина Гевгелија, Богданци и Дојран се случиле 42 сообраќајни незгоди, во кои 3 лица загинале, 4 биле со тешки телесни повреди, 13 со телесни повреди и 23 кои предизвикале материјална штета. На отворен пат се случиле 25, а во населените места 17 сообраќајни несреќи.

                На планот на откривање, попречување и санкционирање на сообраќајните прекшоци, особено оние од потежок вид, за кои е оценето дека влијаат врз безбедноста на сообраќајот, организирани се повеќе акциски контроли на локално и републичко ниво, но и преземање на засилени мерки по задолжување со телеграма, а опфатени за контрола и санкционирање на прекршоците кои се најчеста причина за случување на сообраќајните незгоди.