Гевгелија за Нова година ќе биде скромно украсена, со поставување

на новогодишна елка во центарот на градот. За разлика од претходните години, кога новогодишна елка имаше и на влезот во градот, а беа украсени булеварот „Гевгелија“ и неколку поголеми улици во градот. Тоа го потврди и градоначалникот на Општина Гевгелија, Сашо Поцков.

          - Гевгелија, како град , не заслужува за Нова година да не биде воопшто украсена и да остане, што се вели, во мрак. Затоа решивме, оваа година да направиме поскромно украсување земајќи ја предвид здравствената ситуација со КОВИД- пандемијата. Ако изминатите години се издвојуваа за новогодишното украсување на градот некаде околу 1.000.000 денари, оваа година се решивме за поскромна варијанта, односно од општинскиот буџет ќе издвоиме 230.000 денари. Планирано е да се постави новогодишна елка во центарот на градот, а да биде украсен само околниот простор, за донекаде да се почувствува новогодишниот амбиент.

          Заштедените 800.000 денари остануваат во Општинскиот буџет, а ќе бидат ставени на ставката наменета за елементарни непогоди, од каде што дониравме средства за доградба на Дневниот Ковид центар во Гевгелија, како и другите трошоци што ги наметнува пандемијата. Исто така, дел од средствата ќе бидатѕ наменети за капирални расходи, пред се, за реконструкција на одделни улици во градот и во населените места, нагласува Поцков.