Во тек е уписот на првачиња за учебната

2021/2022 година кој започна од 1 мај, 2021 година. Уписот е задолжителен за децата кои до крајот на декември, 2021 година, ќе наполнат 6 (шест) години, односно задолжително за сите деца родени во текот на 2015 година и за оние кои сакаат за деца родени во текот на јануари, 2016 година.

            Запишувањето на првачиња ќе трае до 31 мај, 2021 година и се врши во основните училишта во општината, со целосно почитување на реонизацијата на училиштата и живеалиштето на децата.

            Родителите се должни при уписот да достават извод од матичната книга на родените за детето, потврди за примените задолжителни вакцини за детето, за извршен офталмолошки и извршен стоматолошки преглед, издадени од надлежна здравствена установа.

            Заради запазување на мерките за спречување на ширење на пандемија, родителите задолжително закажуваат термин за прием на документите и интервју со детето во основните училишта на следниве телефонски броеви:

             -     ООУ „Крсте Мисирков“- Гевгелија 078/447-373;

             -     ООУ „Владо Кантарџиев“- Гевгелија 070/518-041;

             -     ООУ „Климет Охридски“- Миравци 071/367-717;

             -     ООУ „Ристо Шуклев“- Негорци 075/260-839.

            Доколку родителот има интерес, пријавата и документите потребни за упис на детето во прво одделение може да ги поднесе и во електронска форма на uslugi.gov.mk, по што ќе биде закажано интервју со детето.