Во трите рока за првиот упис на ученици

во прва година средно образование, во СОУ „Јосиф Јосифовски“- Гевгелија се запишале вкупно 148 ученици. Согласно објавената ранг-листа објавена на веб-страната на Училиштето, во првиот уписен рок примени се: 57  ученика за гимназиското образование, 14 за физиотерапевтски техничар/ гинеколошко-акушерска сестра, 32 за економски техничар, 24 за хотелско-туристички техничар, 8 за готвач-келнер и 13 ученика за машински техничар за моторно возило.

            Второто пријавување и запишување на учениците ќе се врши на 23 и 24 јуни, 2021 година во период од 07:00 часот до 19:00 часот и на 25 јуни, 2021 година, во периодот од 07:00 часот до 15:00 часот, согласно изготвен распоред од страна на училиштето. Ранг-листите со резултатите од запишувањето и слободните места ќе се објават на 25 јуни, 2021 година, во периодот од 16:00 часот до 19:00 часот. Третото пријавување и запишување на учениците ќе се врши на 30 јуни, 2021 година, во периодот од 07:00 часот до 19:00 часот, согласно изготвен распоред од страна на училиштето. Ранг-листите со резултатите од запишувањето и слободните места ќе се објават на 1 јули, 2021 година.

            Инаку, според Конкурсот, вкупно 286 ученика во 10 паралелки можар да се запишат во СОУ„ Јосиф Јосифовски“- Гевгелија,  каде од оваа година се воведува и Здравствена струка со образовен профил физиотерапевтски техничар/ гинеколошко-акушерска сестра каде треба да се примат 25 ученика. Освен за ова струка, во СОУ „Јосиф Јосифовски“ по 50 места има за: Угостителко - туристичка струка, Машинската струка и Економско - правната. Додека, за Гимназиско образование има места за 102 ученика во 3 паралелки и една со 34 ученика која ќе биде македонско - француска билингвална паралелка.