Гевгелија, уште еднаш, ќе биде почестена со гостувањето

на српската актерка, Лидија Вукичевиќ, со главната улога во комедијата „Обвинителка“, која ќе биде изведена на 24 април, во Народниот театар- Гевгелија. Претставата, во организација на ЈОУ Дом на култура „Македонија“- Гевгелија, ќе започне по 19:30 часот. Картите за претставата се пуштени во претпродажба по цена од 200 денари, а можат да се купат во Народниот театар- Гевгелија, во работните денови од 08:00 до 15:00 часот и на самиот ден пред почетокот на претставата.
            Во претставата, чиј автор е Огнен Неделковски, а режисер Сашо Ристовски, покрај Лидија Вукичевиќ, играат Магдалена Ризова- Черних и Сашо Ристовски. Сценографијата е на Крсто Богојевски, костимографијата на Елена Лука, а музиката на Мишел Трајковски. Претставата ја отсликува денешницава на еден многу суптилен начин. Оваа комедија ги третира актулните општествени прашања: Како е да си обвинителка? Како е да си обвинет? Кои цели се користат за спасување од обвинение? Претставата е резултат на меѓународна соработка на македонски уметници со уметник од Србија.