Општина Гевгелија ќе обезбеди сопствено учество од

Буџетот на Општина Гевгелија за 2023 година за реализација на проектите: „Изработка на техничка документација за поставување фотоволтаични панели на образовни институции, детски градинки и градски пазар во општина Гевгелија“ и „Е-полначи за електрични возила: Teхничка документација“ - одлучи Советот на Општина Гевгелија на денешната 27. седница.
Имено, Општина Гевгелија, самостојно и преку ЈИПР, со овие проекти аплицира на отворениот Јавен повик за финансирање техничка документација за инфраструктурни проекти на Фондот за техничка инструментација во рамки на проектот на УНДП: „Јакенење на општинските капацитети за имплементација на проекти- Фаза 2“, финансиран од Шведската агенција за меѓународна соработка и Бирото за регионален развој.
             Сопственото учество на Општина Гевгелија за „Изработка на техничка документација за поставување фотоволтаични панели на образовни институции, детски градинки и градски пазар“ ќе изнесува 20% или 3915,54 американски долари во денарска противвредност од вкупната проценета вредност 19.577.72 американски долари во денарска противвредност. Додека, за „Е-полначи за електрични возила: Техничка документација“ во рамки на ЈИПР, учеството на Општина Гевгелија изнесува 20% или 1.888 американски долари во денарска противвредност од вкупната вредност на проектот чија висина изнесува 9.440 американски долари во денарска противвредност.