Златка Петрова е годинашната матурантка

во СОУ „Јосиф Јосифовски“- Гевгелија која се стекна со признанието „Првенец на генерација 2019/2023 година“, прогласена со одлука на Наставничкиот совет при Училиштето. Имено, во текот на четиригодишното средно образование, Златка Петрова имала континуран одличен успех, примерно поведение, редовно учествувала во активностите на училиштето и вонучилишни и хумантирани активности. Исто така, редовно земала учества на натпревари по природно-математички предмети, како и на литературни конкурси за ученици во средното нобразование.
           Во нејзините успеси се вбројуваат: Прва награда на Регионален натпревар по Географија, две втори места на Регионален натпревар по хемија, Трета награда за најдобра поетска творба на Меѓународната поетска манифестација за деца и млади „Пролет на сребрените соништа“ 2020 год., Втора награда за најдобра поетска творба „Кула во сонот“, на Државниот годишен конкурс на Друштвото за наука, литература, култура и уметност „Иван Василевски“ - Струмица 2021 год, наградена поетска творба на Меѓународната манифестација „Охридски поетски бисер“ 2021 год. и Награда за поетска творба на тема „Учителот“ при Педагошки факултет- Битола 2022 год.
            Како и успешните претставувања на: Меѓународниот книжевен конкурс „Рукописи 44“ 2021 год., Меѓународна манифестација „Пролет на сребрените соништа“ 2021 год., Државниот конкурс за средношколски есеи при МСУ Св. Николе 2020,2021 и 2023 год., Меѓународна манифестација „Замокот на Дуино“ во Трст, Италија 2023 год., Меѓународната Олимпијада по финансиска математика и актуарство ОФМА 2021 и ОФМА 2022 год.