Во Пионерскиот дом во Гевгелија беше организирана

успешна работна акција за уредување на дворот и воопшто објектот. Поставена е и исфарбана нова ограда, обновена е фасадата, уреден е паркот, а извршено е целосно хортикултурно уредување на дворот. Во акцијата, која беше поддржана од општина Гевгелија, а помогната од ЈПКД Комуналец, Change Makers 4 All, Радио клуб Никола Тесла, Карате клуб Гевгелија, ансамбл Бојмија, Друштво за компјутерско програмирање ФИГХТЦОДЕ, учествуваа повеќе граѓани. На тој начин ја потврдија својата еколошка свест за промена на ликот на оваа детска установа.